Binuksan na ang Kalyaan Group of Island sa West Philippine Sea sa mga turista sa unang pagkakataon.
Kaugnay ito sa inilunsad na Great Kalayaan Expedition project ng Lokal na Pamahalaan na layuning gawing tourist destination para sa game fishing and diving ang West Philippine Sea.
Nitong Huwebes, March 16 ay naglibot na ang tourist expedition sa isla gamit ang barko ng Philippine Coast Guard (PCG), BRP Melchora Aquino patungo sa isa sa mga isla ng Kalaayaan.
Lulan nito ang mga miyembro ng Kalayaan Tourism Technical Working Group, kasama ang mga kinatawan mula sa Palawan Provincial Tourism Board, ang Palawan Council for Sustainable Development, gayundin ang mga eksperto sa sport fishing at recreational fishing.
