LEGAZPI CITY – Muling nag-inspeksyon ang Department of Health (DOH) Bicol kasama ang Albay Provincial Health Office (APHO) sa mga evacuation center upang tingnan ang kalagayan ng mga bakwit.
Kabilang sa mga pinuntahan ng ahensya ay ang mga evacuation centers sa Anislag, Budjao, Gabawan sa Daraga, Mauraro sa Guinobatan, at Bariw sa Camalig.
Ilan umano sa mga tiningnan ng mga ito ay ang pinagkukunan ng inuming tubig at panligo, isolation rooms, at medical stations.
Sinabi pa ng DOH, ang bwat evacuation center ay mayroon nang medical station upang matiyak ang kalusugan ng mga bakwit at makapagbigay agad ng agarang serbisyong medikal sa mga ito.
