𝗞𝗔𝗛𝗔𝗟𝗔𝗚𝗔𝗛𝗔𝗡 𝗡𝗚 𝗣𝗔𝗚𝗞𝗔𝗞𝗔𝗥𝗢𝗢𝗡 𝗡𝗚 𝗢𝗡𝗟𝗜𝗡𝗘 𝗣𝗔𝗬𝗠𝗘𝗡𝗧 𝗦𝗔 𝗠𝗚𝗔 𝗡𝗔𝗚𝗕𝗘𝗕𝗘𝗡𝗧𝗔 𝗦𝗔 𝗣𝗔𝗟𝗘𝗡𝗚𝗞𝗘, 𝗕𝗜𝗡𝗜𝗚𝗬𝗔𝗡𝗚-𝗗𝗜𝗜𝗡 𝗡𝗚 𝗗𝗧𝗜 Binigyang-diin ng Department of Trade and Industry – Isabela ang kahalagahan ng pagkakaroon ng digital cash payment ng mga tindero at tindera sa palengke.
Ito ay matapos ang isinagawang onboarding session ng DTI na pinangunahan ni TIDS Mel Mari Angelo Laciste at nilahukan ng halos 50 na nagbebenta sa Santiago City Public Market.
Ipinaliwanag sa nasabing session ang benepisyo ng pag-adopt ng mga vendors sa digital o online payment kabilang na ang pagpapataas ng benta at seguridad laban sa pekeng pera.
Kabilang naman sa ibinahaging problema ng mga vendors sa oras na sundin ang cashless program ay ang mahinang internet connectivity at karagdagan pang pagsasanay sa mga nagbebenta lalo na ang mga hindi pa kabisado ang paggamit nito.
Dahil dito, ipinakilala ni Laciste ang PalengQr Program na planong isagawa ang implementasyon sa palengke ng Santiago.
