LEGAZPI CITY – Nakatalaang magkondusir saaga ki kaenot-enoteng simulation exercise on bombing incident an Daraga Municipal Disaster Risk Reduction and Management Council.
Segun kan Daraga MDRRMO Head Bhim Dineros, isasagibo ini partikularmente sa Daraga covered court o sa park na pangengenotan kan saindang response cluster kun sain piglalaoman na mapuon an aktibidad alas otso nin aga asin madurar hasta alas dose nin udto.
Dugang pa niya, culminating acitivity ini na parte kan National Disaster Resillience Month na iyo an pagpapartisiparan kan Philippine National Police – Explosive Ordinance Disposal Unit, Bureau of Fire Protection, Scene of the Crime Operatives asin Public Safety Office.
Sa ngunyan, ini man an ipinagpagirumdom kan opisina sa gabos na residente kan banwaan pati na sa maaragi na dae mabigla asin magpanic sa gigibuhong aktibidad huli ta ini an sarong SimEx sana.
