Labas mga batang 90s!
Muling magpapakilig ang tambalang MarJo na sina Jolina Magdangal at Marvin Agustin sa isang pelikula.
Sa post ng isang film production company, kinumpirma nila ang pagsasama ng dalawa sa pelikulang ididirek ni JP Habac.
Makakasama nina Jolina at Marvin sa pelikula sina Loisa Andalio at JK Labajo.
Umani naman ito ng samu’t saring reaksiyon mula sa mga netizen.
Matatandaang noong Hulyo ay minsan na ring hiniritan ng mga netizen sina Marvin at Jolina ng isang reunion movie matapos nilang magsama sa isang video.
