“I have every right to befriend who i like to be friend with”
Ito ang banat ng aktor na si John Estrada sa mga komento netizens hinggil sa viral video niya kasama ang isang mystery women.
Sa video kasing kumalat sa social media, makikitang masayang nakaakbay ang aktor sa isang babae.
Ayon kay Estrada, hindi niya kailangang magpaliwanag pa tungkol dito. Katulad lang daw siya ng normal na tao, na may karapatan ding makipagkaibigan sa mga taong gusto niyang kaibiganin, mapa-lalake man o babae.
Giit pa niya ang pagkakaiba nga lang ay isa siyang public figure kaya laging napag-uusapan ang mga larawang lumalabas tungkol sa kanya lalo na at babae ang kanyang kasama.
Mababatid na nagkasundo si John Estrada at ang asawa nitong si Priscilla Meirelles “to take a break” muna sa kanilang marriage.
