Nagpadala ng isang liham si Jojo Nones sa mga senador upang humingi ng tawad sa kanyang naging asal sa nakaraang pagdinig.
Ito ay kasunod ng kanyang di umano’y pagiging bastos sa pagsagot kina Senador Jinggoy Estrada at Senador Robin Padilla na humahawak sa pagdinig sa kaso ni Sandro Muhlach.
Pagpapaliwanag niya, dala lang ito ng kanyang anxiety at stress pero sa susunod na pagkakataon ay susubukan niya ang kanyang makakaya upang maging mas magalang sa pagsasalita.
Maalala, matapos ang paulit-ulit na pagtanggi ni Nones na sumagot ay nagdesisyon si Estrada na panatilihin ito sa detention facility ng Senado.
