Opisyal nang nagpaalam sa Adamson University ang star player nitong si Jerom Lastimosa bilang pagtatapos sa kanyang collegiate stint sa Soaring Falcons.
Nagpasalamat si Lastimosa sa mga sumuporta sa kanya sa kanyang limang taong paglalakbay kasama ang koponan mula sa San Marcelino.
Bago magsimula ang season, iniretiro na ng Adamson ang jersey number 7 ni Lastimosa na nagsisilbing pagkilala sa kanyang mga nagawa bilang Soaring Falcon at isang national team player.
Nakapaglaro rin siya sa mga huling sandali ng kanilang Final Four playoff, laban sa Ateneo de Manila University.
