LEGAZPI CITY – Naresibe na kan Josefina Belmonte Duran Albay Provincial Hospital (JBDAPH) an mga bagong Cold Room-Walk In Chiller na donasyon kan United Nations International Children’s Emergency Fund (UNICEF) sa probinsya kan Albay.
An bagong ekipahe piglalaoman na makakapagtao nin dakulang tabang para sa mas halawig asin ligtas na paglalaganan nin mga bakuna, reagents, mga bulong asin iba pang biological products kan ospital.
Pinangenotan man an nasambit na inagurasyon kan gobernador kan Albay na si Atty. Edcel Greco Lagman kaibahan an mga representante hale sa UNICEF asin Department of Health (DOH).
