Nangako ang mga opisyal ng gobyerno ng Japan na imbestigahan kung paano nangyari ang ang banggaan ng isang pampasherong eroplano at isang coast guard aircraft sa Haneda Airport.
Ayon sa mga opisyal na nakakuha ng landing permission mula sa air traffic control ang flight ng Japan Airlines (JAL).
Ngunit tumanggi ang JAL at ang land ministry na direktang magkomento sa mga palitan ng flight controllers at ng dalawang eroplano, dahil anila patuloy pa ring gumugulong ang imbestigasyon.
Maalalang lima ang nasawi sa coast guard aircraft habang nakaligtas naman ang 379 na pasahero at crew ng Japan Airlines Airbus.
