Aprubado ni Governor Fredenil Castro bilang Chairman kag bug-os nga Inter-Agency Committee (IAC) to Rationalize Dredging Activities in the Heavily- Silted River Channels sa Capiz ang rekomendasyon sang Technical Working Group (TWG) nga unahon sa dredging ang Jamul- awon River sa banwa sang Pontevedra kag Catmon River sa Panay.
Sa ginpatigayon nga sinapol sang komitiba sa Hall of Governors sang Kapitolyo Probinsyal sang damlag lang, ginhatag ini nga suhestiyon sang TWG sa gobernador kag konseho.
Maid-id nila ini nga gintun-an kag ila ginbasehan ang sitwasyon sang kasubaan sa nasambit nga banwa rason nga ini ang iga-prayoridad.
Ginpresentar man dire sa hinun-anon ni Department of Public Works and Highways (DPWH) Assistant Regional Director, Jose Al Fruto ang Dredging Plan sang Jamul- awon kag Catmon River.
Ini nga tikang sang gobyerno probinsyal ang ginahatagan prayoridad ni Governor Castro agud masolusyonan na ang problema sang probinsya sa baha nga madugay na nga gina-antos sang pumuluyo.
