Sa survival mode gihapon ro isla it Boracay bisan nga ro numero it mga turista halin sa maeain-eain nga parte it nasyun hay nagataas.
Matandaan nga nkaangkon it matindi nga kalisdanan ro industriya it turismo sa isla bangud sa mga paghugot ag mga lockdowns nga gintuga it pandemya.
Base sa report ku 2020, ro mga bisita nga nag-abot hay bumagsak it husto sa 84% ag haeos P400 bilyon ro naduea nga income sa tunga it pandemya, base raya sa report it Department of Tourism.
Ku nagtaliwan nga buean, 434 nga mga foreign tourists ro nagsueod sa Boracay, samtang 445 nga foreign travels ro nagbisita sa isla halin Marso 1 hasta 9.
Base man sa Malay Municipal Tourism Office ku Marso 9, may 40,375 domestic tourists ro nagbisita sa isla./JIL B. LACSON
