Gidagsa sa isdang tamban ang baybayon sa Samal ug sa Lanang ning syudad sa Davao.
Sa video nga kuha ni Jason Madrona, makita nga daghang isda ang midagsa sa baybayon sa Island Garden City of Samal kagabii.
Sa milabay usab nga adlaw, gidagsa sab og isda ang atbang sa Azuela Cove sa Lanang ning syudad.
Kahinumdoman nga sa milabay usab nga semana, duna usab mga isda ang midagsa sa DavSam (Davao-Samal) Ferry Wharf sa Sasa, Davao City.
Duna may mga nagkomento nga basin og dunay katalagman ang muabot sa pagpanggawas sa mga sida, apan daghan sab ang nag-ingon nga swerte ug grasya kini.
