Sapat na ang isang taong transition period para sa lahat ng Philippine Offshore Gaming Operations upang makumpleto ang kanilang mga gawain sa bansa para mag-impake at umalis.
Ipinunto ito ni Senate Majority Leader Joel Villanueva , habang inulit niya ang kanyang suporta sa committee report ni Senator Sherwin Gatchalian na nakasentro sa rekomendasyon na i-ban ang POGO sa bansa.
Ang committee report ay nangangailangan ng hindi bababa sa 10 lagda bago pumasa sa ways and means panel saka dadalhin sa plenaryo para sa deliberasyon, debate at pagboto.
Samantala, itinutulak naman ng ibang senador ang dalawang taong transition period para i-phase out ang POGOs.//CA
