Iniimbestigahan na ng Police Station 2 ang snatching incident sa isang babaeng estudyante s nitong gabi ng Miyerkoles, May 17 sa Barangay Sta. Monica, Puerto Princesa City.
Ayon kay PMaj. Noel Manalo, habang nag-hihintay umano ang hindi pinangalanang biktima sa kanyang kapatid sa Princesa Ville ay bigla daw hinablot ang cellphone ng riding in tandem.
Sa bilis umano ng pangyayari ay hindi nakita ng biktima ang mga mukha ng mga suspek at ang motorsiklong sinakyan ng mga ito.
Ipinakita na rin daw ng pulisya sa biktima ang mukha ng mga posibleng may kinalaman sa krimen ngunit wala itong makitang palatandaan sa mga suspek sa snatching.
Gayunpaman, patuloy ang back-tracking ng mga imbestigador at pag-check sa mga CCTV malapit sa pinangyarihan.
