Nasagip ng mga tauhan ng Tayabas City Environment and Natural Resources (CENRO) ang isang ‘common wolf snake’ sa isang bahay sa Brgy. Baguio nitong Miyerkules, Oktubre 30.
Ayon sa report, bandang alas 8:25 ng umaga nang i-report ng mga residente ng barangay ang naturang ahas na agad naman pinuntahan ng mga tauhan ng Tayabas CENRO.
Ligtas naman ang ahas na napag-alamang hindi makamandag.
Samantala, patuloy pa rin ang pagpapa-alala ng naturang ahensya sa publiko hinggil sa kaparusahan na kaakibat ng pag-aalaga ng mga wildlife animals alinsunod sa Republic Act No. 9147 o Wildlife Resources Conservation and Protection Act of 2001.
