Dead on arrival do isaeang dag’on nga eapsag ag 21 dag’on nana karang tiya samtang ninahan mat’a do sambilog pa karang kaibahan matapos mabunggaan it RoRo bus do motor nga gina maneho it biktima sa Brgy. Janlandoni, Culasi, Antique.
Ginkilaea do biktima kanday, Angelyn Joy Talaman Tonog 21 dag’on ag driver it motor, Ariella Caleigh V. Tonong isaeang dag’on nga eapsag ag do ninahan nga si Angela Joy Talaman Tonong 18 dag’on parehon residente it Brgy. San Juan, Culasi, Antique.
Suno kay Angela, patabok sanda sa pihak nga karsada paadto it Sition Bacong ag gulpi eang binungo it bus nga paadto sa San Jose Buenavista.
Sa makara hay nasa pabueungan eun do nakalidtas nga biktima. //MERIAM LUMBRES AGDIPA
