Patay ang isang indibidwal matapos sumalpok ang sinasakyan niyang Mitsubishi xpander sa nakaparadang trailer truck sa kahabaan ng Mel Lopez Boulevard sa Tondo, Maynila.
Sa ulat ng Manila Police District, naganap ang insidente alas 8:30 kaninang umaga.
Binabagtas ng biktima ang northbound ng lugar at ng marating ang ang kanto ng Moriones st. , sumalpok ang kanyang sasakyan sa likurang bahagi ng trailer truck na pansamantalang nakaparada sa kalsada.
Dahil sa lakas ng impact, nagtamo ng malubhang pinsala ang hindi pa nakikilalang driver na agad niyang ikinamatay.
Nagpapatuloy ang imbestigasyon ng pulisya sa insidente.
