Nagpakitabang kang Davao City Mayor Sara Duterte-Carpio ang pipila ka IP’s gikan sa Region 12 kon SOCSKSARGEN kabahin sa suliran sa ilang mga yuta.
Subay sa pahayag sa Mayor sa iyang opisyal nga FB page, gitabangan ang mga nahisgutan nga makapakonsulta sa abogado alang sa saktong proseso nga himoon.
Sayod ang Mayor nga kadaghanan pa sa mga tribu ang hangtud karon nagkaproblema sa ilang mga yutang kabilin.
Bisan gani sa Davao City, butyag sa alkalde nga pabiling suliran ang wala pagsinabtanay, pagbaligya sa mga yuta nga lakip sa ancestral domain.
Busa nagmugna na og Technical Working Group dinhi sa Davao Region-XI kauban sa LGU, DENR, NCIP ug uban pang ahensya aron masolusyunan ang bangi sa yuta nga usahay mosangko sa kagubot.BNFM-DAVAO
