ILOILO CITY — Ginsuhestyun makarun it pamunuan it Iloilo Police Provincial Office (IPPO) ro pag-specify it kung anong sahi it mass gathering events ro pagapasugtan sa probinsiya it Iloilo pinaagi it executive order ni Iloilo Governor Arthur Defensor Jr.
Pagpahaum raya it IPPO bangud ginaeauman eon nanda nga posibleng may mga sekretong mga pagtililipon bangud sa nagahilapit nga eleksyon.
Sambilog ro mass gathering sa gintumod it IPPO nga rasun it pagtaas it kaso it covid-19 sa probinsya base man sa andang obserbasyon pagkatapos ro pagpanupod it special Aid to Individuals in Crisis Situation (AICS).
Mas madali segun nga ma-monitor ag mapunggan ro mga pagtililipon base sa IPPO kung klaro raya nga nakaplastar sa executive order.
Napaabot eon man segun raya nga concern sa Iloilo Provincial Government ag positibo man ro naging response.
Sa idaeum it Modified Enhanced Community Quarantine (MECQ), ginapasugtan ro mass gathering event kung para sa humanitarian purposes. / ANN DESLENE SALAZAR
