Ginklaro it Iloilo Provincial Health Office (PHO) nga bukon it hospital-acquired ro daywa ka local cases it Omicron sub-variant BA.2.12.1 sa Region 6.
Base sa datus it Department of Health (DOH Region 6), ro daywang local cases hay sangka 69yo nga eaeaki nga taga-Pavia ag sangka 66yo nga eaeaki nga taga- Zarraga, Iloilo.
Ginhayag it PHO nga bago pa ma-ospital ro mga pasyente, ginpaidaeum sa RT-PCR test ag igto nakumpirma nga positibo sanda sa Omicron sub-variant.
Samtang, nakataeana man nga makaguwa it ospital ro daywang pasyente nga puro bakunado kontra sa covid-19. / ANN DESLENE SALAZAR
