Ginapahaeong makarun it Iloilo Provincial Health Office (IPHO) ro publiko kontra sa typhoid fever kasunod it pagtaas it kaso it nasambit nga sakit sa probinsya it Iloilo.
Halin it January 1 hasta February 24, 2024, nakalista ro probinsya it 62 cases, mas mataas it 24 percent kung igakumpara sa kaparehung period ku 2023 nga umabot eamang sa 50 cases.
Ro top 10 municipalities nga may mataas nga kaso hay ro Calinog nga may 6 nga kaso; Sara- 5; Dumangas- 5; Concepcion- 3; Barotac Nuevo- 3; Banate- 3; Barotac Viejo- 3; Badiangan- 2; San Miguel- 2; ag Janiuay- 2.
Ro typhoid fever hay nabubuoe sa mga pagkaun ag ilimnon nga kontaminado it mikrobyong Salmonella typhi.
Ro sintomas it typhoid fever hay eagnat, sakit it ueo ag tiyan, LBM, chills, ag pagpaeanakit it eawas. // ANN DESLENE SALAZAR
