Internal hemorrhage maoy gikamatyan sa menor ded edad nga nakaplagang patay sa sagbotang basin sa Lasang, Davao City niadtong milabayng semana.
Ang suspek nga si Rissaly Ukay, 20-anyos, lesbian maoy niangkon nga maoy nidunggab sa iyang uyab gamit ang kutsilyo gumikan sa selos.
Nasuta usab pinaagi sa resulta sa medico legal nga wala gilugos ang biktima .
Duha ngadto sa tulo ka samad dinunggaban ang nakaplagan sa lawas sa biktima .
Kahinumduman, gikan namertdey ang duha apan sa ilang pag uli naglalis ang suspek ug ang biktima tungod sa selos hinungdan nga nadunggaban patay sa suspek ang uyab niini nga minor de edad.
Napasakaan na usab ang suspek og kasong pagpatay.
