NAGPADAYON ang imbestigasyon sa Makar police station kalabutan sa ilhanan sa mga suspek sa pagpamusil sa Purok Vista, Barangay Sinawal, GenSan nga gikamatay sa duha ka lalaki ug pagkaangol sa usa pa ka babaye.
Matud sa Makar police station sa karon wala pa silay matumbok nga suspek sa krimen apan una nang gibutyag sa kabanay sa mga biktima nga dugay nang nakadawat og bahad sa kinabuhi ang ilang pamilya tungod sa away sa yuta.
Kahibaloan patay sa insidente silang Rolly Monding, 45-anyos, Ruel Rinopal, ug samaron ang babayeng kapuyo ni Monding.
Sa bahin sa labaw sa GSCPO nga si PCol. Nicomedes Olaivar Jr. giimbestigahan sa kapulisan ang peacemaking organisasyon nga sumala pa gikalambigitan sa mga biktima nga nagalihokan sa syudad.
Sa karon, anaa na sa usa ka lokal nga punerarya sa dakbayan ang patayng lawas sa duha ka lalaki. I Enamie Mogpon
