Insidente it sunog sa Region 6 nagnaba, pero ro halit sa propiedad hay umabot sa 1 billion pesos

Nagnaba sa 3.79 percent ro insidente it sunog nga nailista sa bilog nga Western Visayas ku 2021.

Raya hay matapos nga umabot eamang sa 1,320 ro insidente it sunog ku nagtaliwan nga dag-on.

Pero sa pihak it pagnaba it kaso it sunog ku 2021 kumpara it 2020, lomobo man sa sang bilyong piso ro kabilugan nga kasamaran bangud sa sunog.

Base sa BFP Region 6, sambilog sa pinakamabahoe nga rasun it pagtaas it balor it kahalitan hay ro limang oras nga sunog sa sangka mall sa San Jose, Antique ku Hunyo 17, 2021. / ANN DESLENE SALAZAR

BNFM Kalibo