LEGAZPI CITY – Kinumpirmar kan Philippine Statistics Authority (PSA) Bicol na nagbaba an inflation rate sa rehiyon sa bulan nin Agosto ngunyan na taon.
Basado sa record kan ahensya, nasa 4.4% an nairehistro digdi kan Agosto hale sa 4.6% sa bulan nin Hulyo.
Sa intrevista kan Brigada News FM Legazpi kay PSA Bicol Statistical Specialist Coney Frances Baleda, sinabi kaini na an mga uminambag sa pagbaba kan iflation iyo an mga parte kan commodities siring kan housing, water, electricity, gas and other fuels na nasa 2.4% kan Agosto hale sa 3.4% kan Hulyo.
Saro pa sa mga nakatabang iyo an personal care, miscellaneous asin goods and services na nasa 4.7% kan Agosto hale sa 5.3% kan Hulyo.
Dugang pa kaini, nakatabang an Camarines Sur sa pagbaba kan inflation rate sa rehiyon na kun saen nasa 3.9% an nairehistro sa bulan nin Agosto hale sa 4.2% kan Hulyo.
