MAKIG-AREGLO nalang sa driver nga nakadisgrasya patay sa bata nga naga edad og kapin usa ka tuig, kay wala man daw tuyoan ang panghitabo.
Mao kini ang pahayag sa inahan nga si Rosalie Montero Diagan sa dihang gihinabi sa taga Brigada Gensan kalabot sa nahitabo sa iyang anak nga naga-edad palang og usa ka tuig ug tulo ka bulan.
Subay sa iyahang pagsaysay kaniadtong Desyembre tres, alas nuebe sa buntag siya, ang iyang bana ug ang iyang mga anak niadto sa haya sa miyembro nila sa pamilya.
Ang lugar nga adunay haya sa iyang ugangan lalaki ug sa pag-umangkon sa iyang bana, last vigil ang ilang tumong sa pag-adto sa Purok 1, Proper Barangay Paraiso sakop sa Alabel ,Sarangani Province.
Nisulod daw sa basketball court ang sakyanan nga gimanihoan ni Renante Undray nga admin manager sa usa ka construction and supply,nihunong ang sakyanan unya gipanaug ang mga karga unya nag-estoryahanay ang iyang bana ug ang driver.
Siya usab nga inahan niadto sa pansayan kadali apan nakuratan nalang nga aduna nay nagsinggit nga adunay naligsan.
Nadala sa Angel Funeral Homes ang bata samtang gi-hold sa Alabel PNP ang driver samtang wala nakahatag pahayag si Undray sa pag-adto sa Brigada gumikan napaus kini ug nawala ang tingog, nagsenyas lang kini nga nakig-areglo siya sa pamilya sa biktima.
Kahibaluan nga sa report sa PNP nahitabo ang disgrasya kaniadong Desyembre 3 alas nuebe kinse sa buntag, ilang naadtuan ang lugar ug gidala ang driver ug ang sakyanan.
Sa imbestigasyon naga-deliver ang driver ug mga construction materials sa lugar nga proyekto sa gobyerno,nadisgrasya lang ang bata pag-atras sa sakyanan nga Mazda dropside kolor pula,nasuta usab nga nagagunit og non professional driver license.
Sa pag-atras wala nabantayan ang bata nga anaa pabor sa wala nga bahin sa luyo sa sakynan.
Sumala sa inahan ang bata ikaunom nilang anak sa iyang bana nga si Benjie Diagan Sr. ( Ver Diazon)
