Subra isa ka libo na ka mga sugarol ang nadakpan kapulisan sa Police Regional Office (PRO) 13 sukad gipakusgan ang kampanya sa nakalabay’ng tuig.
Sa datos sa Regional Operations Division 13, moabot sa kinatibuk-ang 1,178 ang nadakpan ug dunay isa ang napatay human nisuway pagsukol sa nidakop nga pulis pinaagi sa pag-ilog sa armas atol sa operisyon.
Gikabutyag ni Police Major Dorothy Tumulak, ang tigpamaba sa PRO 13, ang maong ihap maoy nadakpan sa 564 ka mga operisyon sugod adtong Septembre 17, 2020 hangtod, Mayo 10 sa kasamtangang tuig.
Moabot usab sa P508, 735.25 ang kinatibuk-ang pusta nga nakompiska sa kapulisan.
Sagad sa mga sugal nga gilambigitan sa mga dinakpan mao ang sabong, online sabong, ug swertres.
