CAMARINES SUR – Namomroblema ngayon ang ilang Senior Citizens sa bayan ng Pili, Camarines Sur matapos na hanapan sila ng Certificate of Non Pensioner ng Lokal na Pamahalaan o patunay na hindi sila pensyonado sa kahit na anong ahensya gaya sa Social Security System, Philhealth at iba pa, para maka-avail ng karagdagang P500.00 sa social pension.
Ito ang napag-alaman ng Brigada News FM Naga, matapos ipa-abot ng isang hindi na nagpakilalang concern citizen.
Sa panayam naman ng BNFM Naga kay Mayor Tom Bongalonta, ito ay direktiba mula sa Department of Social Welfare and Development Office at alinsunod sa reglamento ng Republic Act No. 11916 o ang karagdagang Social Pension for Indigent Senior Citizens Program na benepisyaryo, na dagdag pa nito kung hindi aniya kumbinsido maaaring puntahan siya sa kanyang opisina upang mapag-usapan ang problema.
Sinegundahan naman ito ni Annabel Vargas, Head ng Naga City Social Welfare and Development Office, na talagang hinihingan hindi lamang ng kanilang opisina bagkus lahat ng City/ Municipal Social Welfare and Development Office, na problemado din sila dahil hindi naging totoo ang ilang senior citizens.
