Welcome sa maraming senador ang desisyon ni Pangulong Rodrigo Duterte na bawiin ang termination ng Visiting Forces Agreement kasama ang Estados Unidos.
Tinawag ni Senate President Vicente “Tito” Sotto III bilang “good move” ang ginawang desisyon ng Pangulo.
Sinuportahan naman ni Senator Panfilo Lacson, chair ng Senate national defense committee, ang naging hakbang ng Pangulo.
Sinabi ni Lacson na ang termination ng VFA ang maglalagay sa Pilipinas sa disadvantage, kung ikokonsidera ang patuloy na panghihimasok ng China sa West Philippine Sea.
Inihayag naman ni Senator Francis Tolentino na ang retraction ng VFA termination, na sinamahan pa ng pagpapatibay sa treaty, ay ang tamang hakbang sa gitna ng kasalukuyang geopolitical tensions sa Indo-Pacific region at bilang bahagi ng selebrasyon ng Pilipinas sa ika-75 taon ng diplomatic relations nito kasama ang US.
Ipinunto naman ni Senate foreign relations committee chairman Aquilino “Koko” Pimentel III na dapat ay mag-concur muna ang Senado sa bagong treaty kung may bagong terms ang naidagdag sa VFA.
