Ibinahagi ni Senador Migz Zubiri na mayroon siyang ilang kasamahang senador nagnanais dadgdagan ang budget allocation para sa Office of the Vice President.
Ito ay matapos irekomenda ng Kamara na gawin P733 milyon ang pondo nito mula sa orihinal na P2 bilyon.
Anya, ilan lang sa mga nagpakita ng interes na itaas ito ay sina Senador Joel Villanueva at Senador Jinggoy Estrada.
Pero ayon sa senador, ‘premature’ pa ito kaya hindi pa niya masasabi kung mapapagkaloob ng kanilang institusyon ang hinihinging pondo ng OVP.
Samantala, mas maganda umanong tanungin dito si Senadora Grace Poe na siyang tumatayong chairperson ng Senate Committee on Finance.
