Tiniyak ni COVID-19 chief implementer Secretary Carlito Galvez Jr., na bubuksan niya sa susunod na IATF meeting ang usapin ng pagbabalik ng face-to-face classses.
Sa plenary debates kaugnay sa 2022 budget na dinaluhan ni Galvez, hinimok ng mga senador ang kalihim na pag-aralan ang pagbabalik ng in-person learning.
Ayon kay Senate Minority Leader Franklin Drilon kung magpapatuloy ang kasalukuyang sistema ng edukasyon posibleng may malaking epekto ito sa mga estudyante.
Pabor din si Sen. Pia Cayetano sa pagbabalik ng face-to-face classes matapos ibaba sa alert level 2 ang quarantine restrictions sa Metro Manila.
Paliwanag ni Cayetano pinapayagan na ang mga menor de edad na makapamasyal sa mga coffee shop, pwede na sa contact sports, kaya wala nang dahilan para pigilan pa ang mga itong pumasok sa paaralan.
