Aabot sa dalawampu’t limang mga bahay ang ipinamahagi ng Department Of Social Welfare and Development Region 2 sa mga residente ng Barangay Gomez, Benito Soliven, Isabela.
Batay sa ahensya, ito ay sa ilalim ng Core Shelter Assistance Program kung saan layunin nitong matulungan ang mga pamilyang nawalan ng bahay sa mga nagdaang kalamidad.
Pormal nang ibinigay sa mga benepisaryo ang Certificate of Completion and Acceptance na nagpapatunay na sila ang nagmamay-ari ng nasabing mga core shelter units.
Ang disensyo at tibay ng nasabing mga bahay ay hindi masisira sa oras na magkaroon ng bagyong may lakas na 220 kilometer kada oras at lakas ng lindol na aabot sa intensity 4.
