Pinaiimbistigahan ng Municipal Health Office ang impormasyon na mayroong ilang residente ng Bgy. Asinan Proper at Cawag, Subic, Zambales ang nakaranas ng diarrhea.
Ito makaraang dalhin sa San Marcelino District Hospital ang mga ito para maipagamot at ipinaalam naman ng pagamutan sa local government unit ng Subic.
Ayon kay Municipal Health Officer Nadjimin Ngilay, adult ang karamihan sa nakaranas ng pagkasira ng tiyan na ang posibleng dahilan ay ang maruming tubig.
Dahil dito, pinayuhan ni Ngilay ang mga residente sa mga lugar na ito na pakuluan muna ng ilang minuto ang tubig na nakukuha sa mga bukal, poso at ilog bago inumin o di kaya ay ihalo sa pagkain.//Jen Bayot-BNFM OLONGAPO
