Sugatan ang hindi pa matiyak na bilang ng mga protesters makaraang rumagasa sa kanila ang isang military truck sa Yangon City sa Myanmar.
Ayon sa mga testigo, matapos rumagasa ang truck ay pinaputukan pa ng mga sundalo ang mga nagpoprotesta habang pinaghahampas at sinaktan ang ibang inabutang prostesters.
Kinumpirma naman ng militar na nasa 11 tao ang inaresto nila sa latest protest habang sinasabi nilang 3 lamang ang sugatan at isa ang nasa kritikal na kondisyon.
Hindi din nito kinumpirma ang pagragasa ng kanilang truck sa mga protesters pero kinumpirma nilang binuwag nila ang isang protesta.
Samantala, inihayag naman ng MPA news agency na nangangamba silang dalawa sa kanilang reporters ang kasama sa mga inaresto kung saan isa sa kanila ang nasugatan habang ang isa ay hindi nila makontak.
Napag-alaman na umabot na sa 1,200 na tao ang napatay habang libu-libong ang naaresto at nakulong kasunod sa serye ng mga protesta mula nang manaig ang military junta noong Pebrero.
