Ibinunyag ng opisyal ng ilang transport group na nakatanggap sila ng mga ulat na meron nang ilang jeepney drivers ang naniningil ng P15 na minimum fare kahit hindi pa lumulusot ang kanilang petisyon.
Ayon kay Liga ng Transportasyon at Operators sa Pilipinas (LTOP) president Orlando Marquez napaulat ito sa mga jeepneys na byaheng Cubao papuntang Antipolo.
Ipinaliwanag ni Marquez na ginagawa nila ito dahil hirap na sila sa pamamasada.
Aniya, wala na silang kinikita lalo na’t malakas kumain ng krudo ang kanilang mga sasakyan.
Ipinunto naman ni Marquez na inaasahang uusad na ang kanilang petisyon para sa P15 minimum fare ngayong Martes.
