MISAKA og naa sa unom ka krimen ang eight “focus crimes” nga natala sa General Santos City Police Office (GSCPO) gikan Enero 1 hangtud Hunyo 20. Ang gitawag nga eight focus crimes mao ang murder, homicide, physical injury, rape, theft, robbery, car theft ug motorcycle theft.
Sa datus sa GSCPO, atong Enero 1 hangtud Hunyo 20,2023 nakatala og 154 insidente sa eight focus crime tandi sa 160 karong tuiga sa susamang panahon.
Nakalabay tuig, nakarekord ang GSCPO og 18 ka murder, upat ka homicide, 16 physical injury, 34 rape,23 robbery, 48 kawat ug unom ka motornapping.
Karong tuiga, nakatala na ang GSCPO og 23 ka insidente sa pagpatay, lima ka homicide, 15 physical injury, 26 rape, 19 robbery samtang 63 theft. Luyo sa diriyot nga pagsaka sa ihap sa krimen nga nahitabo sa GenSan, gibutyag ni Police Col. Nicomedes Olaivar Jr., padayon ang ilang pagpakusog sa pagbantay sa seguridad sa siyudad.
Nagtuo si Olaivar Jr., nga sa gihimong lakang karon sa sama sa pagbalik sa pagbutang og pulis sa barangay makonhuran ang krimen. I Richel Gubalani
