Ginapahaum eon it Iloilo City Police Office (ICPO) ro seguridad para masiguro ro seguridad it kada Ilonggo sa Dinagyang 2023 Pamukaw sa Biyernes, Disyembre 16.
Kaeakip sa security plan it ICPO hay ro pagdeploy it police personnel ag force multipliers para magmonitor ag magsubaybay sa venue it “Pamukaw” para madakpan ro mga magaplano nga mag ubra it maeain.
Ginhambaean man it ICPO ro mga nagaplano nga magtan aw it event nga maging alerto ag security conscious sa andang seguridad ag mga personal nga gamit parehu it cellphone, wallet, alahas, ag iba pang personal nga gamit.
Gin-engganyo man it ICPO ro publiko nga insigidang ireport sa pulis ro anumang insidente o illegal nga aktibidad nga andang masaksihan.
Ag bangud umpisa man raya it “Simbang Gabi”, bilang pagsunod sa mga direktiba it PNP, ginpabaskug it ICPO ro deployment it kapulisan sa mga simbahan ag iba pang lugar para mapunggan ro mga maeain nga element.
Naka “full alert” status man ro PNP makarung season agud masiguro ro safety ag matawhay nga Yuletide season ag Dinagyang 2023 celebration sa syudad. / ANN DESLENE SALAZAR
