Insigida nga ginmandu ni Police Colonel Joeresty P Coronica, City Director it Iloilo City Police Office (ICPO), sa mga Station Commander it ICPS 2 ag ICPS 3 nga magpatigayun it maidid nga imbestigasyon kaangot sa identity it mga nasapwan nga parte it eawas it tawo sa Zone 2, Brgy. Ticud, Lapaz, ag sa Brgy. Buhang, Jaro, Iloilo City, kahapon it agahun, Nobyembre 6, 2023.
Raya hay matapos makabatun ro Iloilo City PNP kahapon it alas-5:00 it kaaganhun angot sa nakita nga daywa ka utod nga mga alima nga nakasueod sa sako sa Barangay Ticud, Lapaz, samtang bandang alas-9:00 it agahun hay nasapwan man sa Barangay Buhang, Jaro ro sambilog pang sako nga may sueod nga eawas it tawo nga owa it ueo ag owa it daywa ka alima.
Nagtuga raya it kahadlok sa mga residente sa lugar, ngani insigida nga ginmandu it City Director ro maidid nga imbestigasyon agud matumod ag mapasabat ro may kahimuan sa makangilidlis nga krimen.
Kaangot kara, padayun gihapon ro imbestigasyon it Lapaz PNP ag Jaro PNP sa nasambit nga insidente. // ANN DESLENE SALAZAR
