Nilinaw ng singer-songwriter na si Ice Seguerra sa kanyang followers na buhay pa siya, matapos umani ng iba’t ibang reaksiyon mula sa mga netizens ang in-upload niyang black-and-white photo sa Instagram noong August 11, 2022.
Natakot at kinabahan kasi ang ilang netizens sa na-upload na larawan at inakalang may masamang nangyari sa kanya.
Sa isang Facebook post ni Ice noong August 12, 2022, muling ibinahagi nito ang kanyang black-and-white photo kalakip ang screenshots mula sa reaksiyon ng mga netizen.
Ayon sa singer sa kanyang caption “Ang hirap pala mag post ng black and white photo sa IG. May phobia na mga tao.”
Kadalasan kasing ginagamit ang black-and-white photo kapag may mga celebrity o ordinaryong tao na pumapanaw.
