Nadiskubre ng mga awtoridad ang mga abandonadong kahoy na Ipin, bunog at sakot lumbers malapit sa dagat ng Sitio Rayakan, Brgy Sowangan, Quezon, Palawan.
Ang mga ito ay natuklasan ng mga tauhan ng DENR CENRO Quezon, Naval Forces West, CID-Palawan, 1st PMFC, PIU, Palawan PPO, at Quezon SBU, 2SOU-Maritime Group ganap na 10:42 ngayong umaga ng Biyernes.
Ang pagkakatuklas sa mga kahoy ay resulta ng isang tip sa mga awtoridad kung saan ibinaon ang mga ito.
Tinatayang aabot sa 447.52 board feet ng mga kahoy na aabot ang market value sa P17, 900.00.
Ang mga kahoy ay dinala sa DENR CENRO Quezon para sa disposisyon at imbestigasyon.
