Inilatag ng National Nutrition Council Region 2 (NNC R02) ang iba’t ibang mga aktibidad na mayroong kaugnayan sa pagdirirwang ng Nutrition Month ngayong Hulyo.
Sa ekslusibong panayam ng Brigada News FM Cauayan kay Edzell Arcinue, Nutrition Officer III ng NNC R02, kabilang aniya sa mga aktibidad na kanilang inihanda ay ang Digital Photography Contest, Video Making contest, Poster Making contest, at ang batang hataw sa galaw.
Maaari namang sumali ang mga indibidwal sa pamamagitan ng pakikipag-ugnayan sa mga local nutrition committees sa bawat mga munisipalidad o lungsod hanggang sa Biyernes.
Bukod pa rito, nagsasagawa rin sila ng mga feeding programs upang mabigyan ng sapat na nutrisyon ang mga bata, maging ang mga buntis.
Magsasagawa rin ang NNC R02 ng webinar forum sa ika-17 ng Hulyo kung saan dadalo rito ang iba’t ibang mga local nutritionist.
