LEGAZPI CITY – Maaari nang magpa-test para sa human papillomavirus (HPV) DNA at para naman sa cervical cancer screening dahil libre na ito sa bayan ng Camalig, Albay sa darating na Nobyembre 4, 2022.
Bukas ang testing para sa mga babaeng may edad 30-49 taong gulang sa rural health office ng bayan sa nasabing petsa na mag-uumpisa sa ganap na alas 9 ng umaga hanggang alas 12 ng tanghali.
Batay sa anunsyo mula sa lokal na pamahalaan ng Camalig, ang mga babae na tanging pahihintulutang magpa-test ay yaong walang anumang sexual contact sa loob ng tatlong araw, hindi nakaranas ng hysterectonomy o pagtanggal ng matres, walang vaginal spotting o menstruation, at higit sa lahat, hindi pahihintulutan ang mga buntis.
Kinakailangan lamang na magdala ng sariling ballpen sa pag-fill out ng mga kinakailangang forms.
