‘HUMAN error’ ang nakita sa kapulisan nga hinungdan sa insidente sa bangga sa Purok Cabu, Barangay Tambler nga gikamatay sa unom ka indibidwal.
Sumala sa traffic enforcement unit sa unom nga namatay duha niini ang mga bata nga edad usa ka tuig ug 6-anyos, samtang aduna pay upat nga samdan ug kasamtangang nagpaayo sa ospital.
Una nang migawas sa imbestigasyon sa kapulisan nga kusog ang dagan sa tricycle gikan sa usa ka beach resort sa Barangay Tambler sakay ang siyam ka indibidwal.
Samtang gilatas niini ang inner lane kalit naalsa ang ligid ug nitakilid ang tricycle rason nga nawad-an og kontrol sa manobela ang drayber ug mitipas kini sa dalan nga giagian sa elf truck rason sa bangga.
Aduna na sab initial settlement sa TEU ang pamilya sa mga biktima tali sa drayber sa elf truck. I Enamie Mogpon
