Nawasak gid ang alatrasan sang hubog nga soltero matapos ginhimuslan sang isa ka lalaki nga ginapahayag caretaker sang ila boarding house sa Brgy. Zone-3 sa syudad sang Koronadal.
Ginkilala ang biktima kay “Alyas Jay”, 21-anyos, empleyado sang isa ka mall samtang ang suspek amo si “Alyas Boy”.
Sa interview sang Brigada News FM Roxas City kay “Alyas Jay”, ginpahayag sini nga antes paman ang natabo, nag-inom inom sila sa ila boarding house upod sang iban nga boarders kag sang suspek nga nagpakilala nga caretaker.
Suno sa biktima, sang mahubog ini nagsulod siya sa iya kwarto agud magpahuway.
Apang pila ka minutos ang nakaligad ginkatingala sang iya mga kaupdanan nga may naganilagapok sa sulod sang iya kwarto, kun sa diin ginpadulungan ini sang iya kasubong boarder agud tsekyaron kag didto naaktuhan nga wala na sang panapot ang biktima nga nagahigda sa salog samtang ang suspek ang nagapungko sa higdaan.
Nagapangluya kag wala sa kaugalingon ang biktima sang ginpaguwa ini sa iya kwarto.
Dugang pa sang biktima nga wala siya makabatyag sa ginhimo nga pagpanghimulos sang suspek bangud hubog siya apang sang ini ang mahimasmasan nabatyagan niya nga masakit na ang iya alatrasan.
Tuman naman ang kahuya nga nabatyagan sang biktima bangud nakita sang iya mga board mate nga hublas siya ginpaguwa sa iya kwarto.
Kaangut sini, ginpanginwala naman sang tag-iya sang boarding house nga caretaker nila ang suspek bangud ila lang ini nga panday.
Sa karon, desidido nga magpasaka sang kaso ang biktima batuk sa suspek kag handa naman nga magbulig ang tag-iya sang boarding house. | Judy Ann Juare
