Nangin matawhay ang ginpatigayon nga hublag protesta sang duha ka grupo sang rehalista sa syudad sang Roxas kadungan sang State of the Nation Address ni President Ferdinand “Bongbong” Marcos Jr. sang damlag lang.
Sa interview sang Brigada News FM Roxas City kay PCol. Erwin Margarejo, hepe sang Capiz Provincial Internal Affairs Services (PIAS) iya ginpahayag nga wala man sila sang may nabalhag nga kinagamo sa ginhiwat nga rally.
Suno kay Margarejo, naka standby lang ang mga kapulisan samtang may nagahublag protesta sa may bahin sang Roxas City plaza kag nangin malinong man ang pagsugata sa ikaduha nga SONA ni President Marcos.
Nagpanugyan man ini sa mga rehalista nga indi lang maglapas sa mga ginapatuman nga polisiya agud mapaabot nila sang insakto ang ila hibubun-ot sa gobyerno. | Judy Ann Juare
