Hiniling ng Human Rights Watch ang International Criminal Court (ICC) Office of the Prosecutor na ituloy ang imbestigasyon sa kasong crimes against humanity sa administrasyon ni Pangulong Rodrigo Duterte.
Ayon kay HRW Asia Director Brad Adams ang request to defer ng gobyerno ng Pilipinas sa ICC ay isa lamang ‘delaying tactics’ ni Pangulong Duterte.
Layon lamang umano nitong protektahan ang mga opisyal na responsable sa mass killings na idinulot ng madugong drug war.
Iginiit ni Adams na dapat ituloy ng ICC ang pagsisiyasat upang hindi mabalam ang pagkamit ng hustisya ng mga biktima.
Magugunitang noong Nobyembre ng lumiham si Philippine Ambassador to the Netherlands Eduardo Malaya kay ICC Prosecutor Karim Khan upang ipaalam na ginagawa ng gobyerno ang trabaho nito upang mapanagot ang mga alagad ng batas na umabuso sa kanilang tungkulin.
