Maspahugtan pa sa lokal nga panggamhanan ang pagpatuman og lockdown sa mga kabalayan, patigayon ug mga buhatan nga dunay taas nga transmission sa virus.
Sumala kang City Covid 19 Task Force Spokesperson, Dr. Michelle Schlosser, nakiglambigit ang ilang buhatan sa mga opisyal sa matag barangay, Barangay Emergency Response Team, PNP, City Health Office, ug district health offices alang sa pagmonitor sa mga kabayalan nga naka-lockdown.
Kadaghanan matud pa sa mga natalang kaso gikan sa mga household transmission hinungdan nga mas daghan karon ang balay nga gi-lockdown.
Sa ulahing report gikan sa Public Safety and Security Command Center o PSSCC, anaa sa 466 ang house lockdown; 17 ang building lockdown; unom ang compound lockdown, usa ang purok lockdown; ug usa ka eskwelahan ang gisirado una.
Subling nanawagan ang health sector nga musunod sa
minimum public health standards aron malikayan nga matakdan sa virus.
