Inaprubahan ng House Committee on Suffrage and Electoral Reforms ang pagpapalawig sa voter’s registration hangang sa katapusan ng Oktubre ngayong taon.
Sa ginanap na panel meeting, naghain ng mosyon si Cavite Representative Elpidio Barzaga para aprubahan ang House Bill 10261 dahil sa umano’y ‘urgency’ nito.
Sinigundahan naman ito ni Agusan del Norte Representative Lawrence Fortun, at agad din inaprubahan ng buong panel.
Layun umano ng naturang panukala na mapigilan ang tinatawag na ‘massive voter disenfranchisement’ na idinulot ng COVID-19 pandemic.
Una nang naghain ang 23 senador ng kahalintulad na panukala subalit nanindigan ang COMELEC na mananatili sa Sept. 30 ang deadline ng voter’s registration.
