KORONADAL CITY- NAGSAGAWA ng dalawang araw na exploratory conference at excursion sa South Cotabato ang Honorary Consul of Finland to Mindanao at kasalukuyang Chairperson ng European Chamber of the Philippines – Southern Mindanao Business Council na si Atty. Antonio S. Peralta at ang kanyang delegasyon kasama ang mga opisyales ng provincial government.
Layon nito na makabuo ng partnership para sa investment, cultural amity at education advocacy.
Sa naturang aktibidad, ipinresenta ng provincial government sa pamamagitan ng South Cotabato Economic and Investment Promotions Center (SCEIPC) ang Investment Priority List nito sa Consul para potential business-matching at investment cooperation.
Inilatag naman ng Consul ang iba’t ibang investment possibilities sa South Cotabato katulad ng manpower education, renewable energy, machine fabrication, manufacturing industries at iba pa.
